一連兩日既喪禮出殯 終於完成~

何其感觸良多呢!!

以前既我會覺得呢o種傳統活動很悶~很useless~

但經過今次之後~

我開始睇會到它的潛在的意義及真正的作用~

那些不段重複既動作~讓我們多點時間追憶公公~

各人聚集一堂~讓我體驗到血緣既聯繫及重要性~

瞻仰遺容~讓我們有機會看見公公最後一面~送他最後一程~

而且整個儀式亦很神聖莊嚴~

有o的感覺甚至真係非文字能夠表達出來~

另外的體會~~就是原來同想像之中完全唔同~

唔好比電視呃左-.- 電視個o的係好大規模....好少人會咁做.....

同埋呢.....儀式上既程序原來亦會按照不同的"鄉下"而有所不同~

仲有.....完哂儀式後~一大班人要坐大巴去荃灣作最後火化前既儀式~

之後又坐大巴去牛頭角個間預先book左既酒樓 參加 "英雄宴"~@o@~仲要有利是收tim~

最後.....有一樣野好有趣.....話說樓下細個賣雞蛋仔個伯伯一向都住我個層.....而且是同鄉的....

而且原來佢係 有份做埋呢o的儀式工作既人~ 因為同鄉關係今次咁岩佢個team 負責~

佢仲要係 "band友"之一......唔只識 拉二胡 仲識 "吹o的打"@@

真係十分利害又博學多才既伯伯-.-

連續兩晚都訓唔著~

無法說服到個身體~

唉....我唔想又係咁~

今天....是志不在此~? 還是意志仍不足呢...?

琴晚訓唔著~ 突然4點幾有人打電話黎~

三舅父話公公唔得了~

一路趕去將軍澳既靈實醫院~

5點25到達~但係公公已經係4點幾過左身~

雖然今次同唔到佢講野~但我起碼見到他最後一臉~

比較痛心既係婆婆無黎到...因為佢隻耳唔好~~聽唔到三舅父拍門,禁門鐘叫佢.....無緣見最後一面

幸好六點幾既時候~婆婆起左身~接左二舅父既電話~希望三舅父可以趕得切返去接婆婆黎~

本來公公前排已有好轉~恢復清醒~先轉住另一間醫院休養~但係身體已經變得十分差~

身體狀況非常反覆~本來早上還好好地~但突然晚上就無哂心跳咁離開左~

感覺上公公應該去得好安祥~可能係熟睡中去世~

希望公公得到安息!!永別了~

另外~

今朝打波遲左咁多~成十一點半先到~唔好意思~咁多位

因為今朝7點幾先回到家~

其實本來開頭打波無咩精神同心情~

不過對住你地呢班"騎呢怪"~真係令我開心左~thanks!!

7A 晚宴

日期:2月24日 (星期二)

時間:7點PM

等候:荃灣地鐵站(近新之城出口)

晚餐:未定(龍記乎!?)

私人目的:我想測試下玩miffia 呢隻團體遊戲既可行性(順便ja...唔係突登為了咁先約大家出黎-.-)

出席者:我,洋蔥,PK WA,超哥

PS:有興趣出席~請通知

資料會不斷更新...

前日~知道公公入院了~

今早~媽咪說公公病危~

我同哥哥二話不說~就跟媽媽立即趕住聯合醫院~

當時婆婆,細姨,三舅父已經到左~

由於早上唔係探病時間~但醫生淮我地2個人2個人咁入去探下公公~

坐係門外既時間~係三舅父口中得知醫生說公公琴晚身體器官開始衰弱....搶救後...已經插左喉....黎維持生命多最長14日....

三舅父已經忍唔住~喊起黎.....(第一次見到....)

婆婆亦喊住黎講前日佢仲好地地食飯~仲飲左o的酒~之後就睇電視~但晚上就氣喘~又死頂話唔好打電話俾三舅父~怕煩到三舅父...

最後婆婆忍唔住打左比三舅父~立即送入醫院搶救~公公係送院途中跟三舅父說:「我唔得啦~就死啦.....」

.........令三舅父傷心不已

到我同哥哥入去探公公~當我見到公公滿身插喉既樣子~真係十分心酸....

公公只能掙開一線眼睛~呼吸看起來很辛苦,要十分用力~

我跟公公說:「阿公~我係忠仔啊~......」~~公公沒有什麼反應...而我亦因想不到公公已經到左呢個情況.....沒有再講任何野...任何安慰既說話都沒用了.....雖然不知道公公聽唔聽到....但我希望公公知道我黎左~

望著公公很辛苦呼吸的樣子~但知道公公快將去世既事實.....令我十分心痛.....一個還有一息生命的親人就黎離我們而去.....而我只能目送.....這種感覺真是十分難受~

雖然不知道公公還能撐多少時間....多少日子~~但希望公公能支持到明早5,6點~

因為細舅父正從澳洲趕回來....明天5點就抵達香港...見公公最後一面....

三舅父說公公係聽見~有反應~知道的.....佢一定會頂到聽朝....

希望公公能支撐到明天.....給公公的7個子女見佢最後一面~送佢最後一程.....但願如此